Ban papia di ‘bon kabei’ [2]

The Spot Curacao

08 December 2024 16:00 t/m

08 December 2024 19:00

Sentro Multi-Funshonal Brievengat

Ban papia di ‘bon kabei’

Un talkshow nobo na Papiamentu

‘The Spot’ a produsí e talkshow: “bon kabei”. Den e show, ku ta konsistí di shete episodio, host Eunice Goeloe i Jeannine Käser-Lovert ta hiba kombersashon ku diferente miembro di komunidat i eksperto, pa interkambiá i kompartí perspektiva i eksperensia. E talkshow ta trata e tópiko di kabei, ku ta forma un parti importante di nos identidat i ku tin un influenshia grandi riba nos persepshon di bunitesa. Pero den e diferente episodionan ta trata otro pregunta i temátika sosial tambe. Check e promé sinku episodionan riba e Youtube Channel di @thespotcuracao.

Ban papia

Bo tambe ke forma parti di e kombersashon? ‘Bon kabei’ ta organisá dos round table conversations, pa duna pueblo e oportunidat pa bin interkambiá ku nos. Pues ban papia!
Dia 8 di desèmber 2024, 16:00-19:00, na Sentro di Bario Brievengat. E evento aki ta habrí pa tur hende i ke stimulá kombersashon i interkambio entre hòmber i muhé. Nos tin special guests Reinier Lijfrock, kantante i barbero i DJ Ro1. E anochi ta klausurá ku muziek bailabel di DJ Jörgel. No pèrdè e oportunidat aki!
E espasio ta limitá, pues registrá mas pronto posibel. Pa mas informashon i registrashon:
https://forms.gle/4qM78rsrrBTvkphz6
E proyekto kí ta realisá den kolaborashon ku Unidat di Bario Kòrsou, ‘liberá empowered woman’ i ‘Naturals of Curaçao’, ku aporte finansiero di ‘Fonds Voor Cultuurparticipatie’ i ‘DNB Fonds – deelgebied Caribbean, i.s.m. PBCCG’.