Caresse Isings: Klaridat

Non-registered org

11 September 2024 19:00 t/m

11 September 2024 22:00

la hacienda olivia curacao

Ku su OneWomanShow “Klaridat” Caresse Isings ta invoká “É Forsa ku ta Kura” pa tur hende den nos komunidat kuminsá trata otro ku mas empatia i amabilidat. Pa entidatnan komersial nò sinta warda rib’un gobièrnu ku nò ta bin ku niun inisiativa manera ántes tabatin regularmente den multimedia pa empoderá nos hendenan. Pa organisashonnan sosial i komersial bini huntu pa nan més ehekutá proyektonan di “Nation Building” ku por edifiká, inspirá i motivá kada persona riba nos lugá.
Pa empresarionan realisá ku kultura di nan organisashon ta parti importante di loke ta sigui forma kultura di henter nos pais i komportashon di nos hendenan. Pa na lugá di ‘apresiabel kliente’ kompanianan bolbe adoptá e humanidat di dirigí nan mes na e kliente uzando su fam, manera ántes nos tabata kustumbrá.

“Nos ta pèrdiendo nos elegansia i e grasia kaluroso ku tabata tipifiká nos lugá si un empleado por manda karta sin ku e mes tin nodi di firm’é, ya ku ta pone: “atentamente” ku djis e nòmber di e organisashon bou di dje. Ta for di ki dia antó nos a disidí ku ta aseptabel pa dunadó di servisio keda inkognito? Esaki ta pone ku e nò tin nodi di responsabilisá su komportashon ètòl tampoko i e aktitut ei a slüip drenta i ta plamando pió ku un virus riba nos lugá. Kultura ta hopi mas ku rekordá Tula, i nos tur ke p’e por bira kara numa’wo i mira kon nos ta biba ku otro.”

Caresse ta duna workshop di etikèt kreativo kombiná ku teatro pa enfatisá ku nos tur ta aktor den bida i ku kada un di nos por interpretá nos papel dje manera ku mihó ta sirbi nos mes i nos komunidat.
E ta insistí ku nos ta djis un shentipiku mil hende bibá na pas ku otro den Paraïso Kòrsou i ku realmente nos por mihó. Komo ehèmpel e ta trese dilanti kon den CMC sí a logra krea un kultura di trato súmamente servisial, amabel, personalisá i adaptá na kada persona ku drenta den kontakto sea ku un trahadó òf boluntario na hospital. “Si den e sirkumstansia di tiki personal i hopi trabou nan por ta asina humano, antó tur hende na Kòrsou por trata otro manera hende!”

E sinku personahenan den e obra Klaridat ta hunga ku e tema di invoká Lus pa nos komunidat for di diferente ángulo humorístiko, mientras durante di e espektákulo Roselin Bey, Ernesto Paz, Tio Ali i Ericoson ta kaba di iluminá mente i alma di publiko presente ku nan gran agilidat musikal.

E evento ta tuma lugá na La Hacienda Olivia di 7or pa 10or di anochi riba djarason 11 di sèptèmber. Tambe tin un mini buffet i un rifa pa gana arte di koral realístiko ku Caresse ta krea komo eskultor ambiental uzando material resiklá manera karton i plèstik pa nos kòrda di ta mas amabel ku naturalesa tambe.

Pa mas informashon lesa e sigiente artikulo: https://curacao.nu/caresse-isings-treedt-morgenavond-op-met-nieuwe-show-klaridat/

~~~~~~~~~~~~~~

De OneWomanShow “Klaridat” van Caresse Isings roept “De Kracht die Geneest” aan zodat iedereen in onze gemeenschap elkaar met meer empathie en vriendelijkheid begint te behandelen. Voor commerciële entiteiten om niet te wachten op een regering die niet met initiatieven komt zoals die vroeger regelmatig in de multimedia waren om onze mensen te versterken. Voor sociale en commerciële organisaties om samen te komen en zelf “Nation Building”-projecten uit te voeren die elke persoon in onze omgeving kunnen opbouwen, inspireren en motiveren.
Voor ondernemers om te beseffen dat de cultuur van hun organisatie een belangrijk onderdeel is van wat uiteindelijk de cultuur van het hele land vormt en het gedrag van onze mensen beïnvloedt. In plaats van ‘waardevolle klant’, zouden bedrijven weer de menselijkheid moeten omarmen door de klant bij hun achternaam te noemen, zoals we vroeger gewend waren.

“Wij verliezen onze elegantie en de warme gratie die onze gemeenschap kenmerkte als een werknemer een brief kan versturen zonder deze zelf te ondertekenen, enkel met ‘hoogachtend’ en de naam van de organisatie eronder. Sinds wanneer hebben we besloten dat het acceptabel is dat een dienstverlener anoniem blijft? Dit impliceert dat hij zich ook niet verantwoordelijk voelt voor zijn gedrag, en die houding is als een sluipend virus dat onze gemeenschap infecteert. Cultuur is veel meer dan alleen Tula herdenken, en we willen allemaal dat hij nu wel kan kijken en zien hoe we met elkaar leven.”

Caresse geeft een workshop over creatieve etiquette, gecombineerd met theater, om te benadrukken dat we allemaal acteurs zijn in het leven en dat ieder van ons zijn of haar rol zo goed mogelijk kan spelen, ten dienste van onszelf en onze gemeenschap.
Ze benadrukt dat wij slechts een paar honderdduizend mensen zijn die in vrede met elkaar leven in het paradijs Curaçao en dat we daadwerkelijk beter kunnen. Als voorbeeld noemt ze hoe het CMC erin is geslaagd om een cultuur van buitengewone service, vriendelijkheid, personalisatie en aanpassing te creëren voor elke persoon die in contact komt met een medewerker of vrijwilliger in het ziekenhuis. “Als zij in een situatie van weinig personeel en hoge werkdruk zo menselijk kunnen zijn, dan kan iedereen op Curaçao elkaar als mens behandelen!”

De vijf personages in het stuk Klaridat spelen met het thema van het aanroepen van Licht voor onze gemeenschap vanuit verschillende humoristische invalshoeken, terwijl tijdens de voorstelling Roselin Bey, Ernesto Paz, Tio Ali en Ericoson de geest en ziel van het publiek verder verlichten met hun muzikale behendigheid.

Het evenement vindt plaats in La Hacienda Olivia van 19:00 tot 22:00 uur op woensdag 11 september. Er is ook een mini-buffet en een loterij om realistische koraalkunst te winnen, die Caresse als milieu-sculpturiste creëert door gerecyclede materialen zoals karton en plastic te gebruiken, om ons eraan te herinneren ook vriendelijker te zijn voor de natuur.

Voor meer informatie lees de volgende artikel: https://curacao.nu/caresse-isings-treedt-morgenavond-op-met-nieuwe-show-klaridat/